ഹിമാചല്‍ പ്രദേശില്‍ അദാനി വില്‍മര്‍ ഗ്രൂപ്പില്‍ റെയ്ഡ്. നികുതി വെട്ടിപ്പുമായി ബന്ധപ്പെട്ടാണു റെയ്‌ഡെന്നാണു സൂചന. സംസ്ഥാന നികുതി വകുപ്പാണു റെയ്ഡ് നടത്തിയത്. കഴിഞ്ഞ അഞ്ചുവര്‍ഷമായി അദാനി വില്‍മര്‍ ഗ്രൂപ്പ് ജിഎസ്ടി അടയ്ക്കുന്നില്ലായിരുന്നുവെന്ന ആരോപണം ആണ് ഉയര്‍ന്നിരിക്കുന്നത്.
എക്സൈസ് വകുപ്പിന്റെ സൗത്ത് എന്‍ഫോഴ്സ്മെന്റ് സോണ്‍ സംഘം ബുധനാഴ്ച രാത്രി വൈകിയാണ് റെയ്ഡിനെത്തിയത്. രേഖകള്‍ പരിശോധിക്കുന്നത് രാത്രി വൈകുവോളം തുടര്‍ന്നെന്നും നികുതി ബാധ്യത പണമായി അടയ്ക്കാത്തത് സംശയാസ്പദമാണെന്നും അടുത്ത വൃത്തങ്ങള്‍ പറഞ്ഞു. സംസ്ഥാനത്തെ കമ്പനിയുടെ നികുതി ക്ലെയിമുകളെക്കുറിച്ചുള്ള വിവരങ്ങളും വകുപ്പ് തേടിയിട്ടുണ്ട്.
