മെഡിക്കൽ പ്രവേശനത്തിനുള്ള നാഷനൽ എലിജിബിലിറ്റി എൻട്രൻസ് ടെസ്റ്റ്- യുജി (നീറ്റ് ) 2022 പരീക്ഷക്കായി യുഎഇയിലെ മൂന്നു കേന്ദ്രങ്ങൾ തയ്യാറായി. യുഎഇയിൽ ആദ്യമായി നീറ്റ് പരീക്ഷ നടന്ന കഴിഞ്ഞ വർഷം ദുബായ് ഇന്ത്യൻ ഹൈസ്കൂൾ മാത്രമായിരുന്നു കേന്ദ്രം. ഇതിന് പുറമെ, അബുദാബി ഇന്ത്യൻ സ്കൂൾ, ഷാർജ ഇന്ത്യ ഇന്റർനാഷനൽ സ്കൂൾ എന്നിവയാണു ഇത്തവണ ഉൾപ്പെടുത്തിയത്.
ഞായറാഴ്ച 17 ന് ഉച്ചയ്ക്ക് യുഎഇ സമയം 12.30 മുതൽ 3.50 വരെ പെൻ ആൻഡ് പേപ്പർ മോഡിലാണ് പരീക്ഷ. പരീക്ഷാ കേന്ദ്രങ്ങളിൽ വിദ്യാർഥികളുടെ റിപ്പോർട്ടിങ് സമയം രാവിലെ 9.30 മുതൽ ഉച്ചയ്ക്ക് 12.00 വരെ ആയിരിക്കും. പരീക്ഷയുമായി ബന്ധപ്പെട്ട പുതിയ വിവരങ്ങൾക്കും കാലാകാലങ്ങളിൽ ഭേദഗതി വരുത്തിയ വിവരങ്ങൾക്കും എൻടിഎ വെബ്സൈറ്റ് സന്ദർശിക്കണമെന്ന് അഭ്യർഥിച്ചു: http://neet.nta.nic.in.
