കുവൈത്ത് സിറ്റി: കുവൈത്തിന് പുറത്തേക്ക് പോകുന്നവർ ഹോട്ടലിൽ ക്വാറൻ്റെയ്ൻ മുൻകൂട്ടി ബുക്ക് ചെയ്ത് ചെലവുകൾ പൂർണ്ണമായി അടക്കണം എന്ന് നേരത്തെ ഉത്തരവുണ്ടായിരുന്നു, ഏതെങ്കിലും കാരണവശാൽ മടങ്ങിവരുന്നതിൽ തടസ്സം നേരിട്ടാൽ അടച്ച പണം തിരികെ ലഭിക്കുന്നതല്ല എന്ന് ഡയറക്ടർ ജനറൽ ഓഫ് സിവിൽ ഏവിയേഷൻ (ഡിജിസിഎ) വക്താവ് സാദ് അൽ-ഒതൈബി അറിയിച്ചു. രാജ്യത്ത് എത്തുന്ന എല്ലാ യാത്രക്കാർക്കും പ്രാദേശിക ഹോട്ടലുകളിൽ
ഏഴു ദിവസത്തേക്ക് ഇൻസ്റ്റിറ്റ്യൂഷണൽ ക്വാറൻ്റെയ്ൻ
സംബന്ധിച്ച മന്ത്രിസഭയുടെ തീരുമാനം നടപ്പാക്കുന്നതിന് മുൻപായി ബന്ധപ്പെട്ട കക്ഷികളുമായി നിരന്തരം കൂടിക്കാഴ്ചകൾ നടത്തുന്നതായും അദ്ദേഹം പറഞ്ഞു .
ഇൻകമിംഗ് യാത്രക്കാർക്ക് കുവൈറ്റ് ട്രാവലർ പ്ലാറ്റ്‌ഫോമിൽ രജിസ്റ്റർ ചെയ്യേണ്ടതാണ്. ആദ്യമായി കുവൈത്തിലേക്ക് വരുന്നവർ ട്രാവലർ പ്ലാറ്റ്ഫോമിലൂടെ ക്വാറൻ്റെയ്ൻ സംവിധാനം ബുക്ക് ചെയ്യണം. പി‌സി‌ആർ ടെസ്റ്റ് നടത്തുന്നതുമായോ ഹോട്ടലുകളിൽ സ്ഥാപനപരമായ ക്വാറൻ്റെയ്ൻ സ്വീകരിക്കുന്നതുമായോ ബന്ധപ്പെട്ട് രാജ്യത്തേക്ക് വരുന്നവർ യാത്രാ ആവശ്യകതകൾ നിറവേറ്റുന്നുണ്ടെന്ന് ഉറപ്പുവരുത്താൻ വിമാനക്കമ്പനികളെ ചുമതലപ്പെടുത്തുമെന്ന് അദ്ദേഹം ചൂണ്ടിക്കാട്ടി.
വിവര മന്ത്രാലയത്തിലെ ടൂറിസം മേഖലയുമായും
പ്രത്യേക ആരോഗ്യ ആവശ്യങ്ങൾക്കനുസൃതമായി കുവൈത്ത് ഹോട്ടൽ കമ്പനിയുമായും ഏകോപിപ്പിച്ചാണ് ക്വാറൻ്റെയ്ൻ നടപ്പാക്കുന്നതെന്ന് അൽ-ഒതൈബി പറഞ്ഞു. ഹോട്ടലുകളിലെ ആരോഗ്യ ആരോഗ്യ സുരക്ഷാ മാനദണ്ഡങ്ങൾ ഉറപ്പാക്കുന്നത് ഹോട്ടലുകളുടെ ഉത്തരവാദിത്തമാണെന്ന് അൽ-ഒതൈബി പ്രസ്താവിച്ചു, ഓരോ ഹോട്ടലിലും ഇൻകമിംഗ് യാത്രക്കാർക്കായി പ്രത്യേക നിലകൾ അനുവദിക്കും, കൂടാതെ വൈറസ് സംക്രമണം തടയുന്നതിനായി അടച്ച ബോക്സുകളിലാണ് യാത്രക്കാർക്ക് ഭക്ഷണം നൽകുക.
ഹോട്ടൽ നിരക്കുകൾ സംബന്ധിച്ച്, നിർദ്ദിഷ്ട വിലയൊന്നും മുൻകൂട്ടി നിശ്ചയിച്ചിട്ടില്ല എന്നും അൽ-ഒതൈബി പറഞ്ഞു. പകരം, യാത്രക്കാരന് തന്റെ സാമ്പത്തിക ശേഷിയുമായി പൊരുത്തപ്പെടുന്ന ഹോട്ടൽ ക്വാറൻ്റെയ്ൻ സേവനങ്ങൾ തിരഞ്ഞെടുക്കാം, കാരണം രാജ്യത്ത് എത്തുന്ന എല്ലാവർക്കും 3, 4, 5 സ്റ്റാർ ഹോട്ടലുകൾ ആണ് ലഭിക്കുക.
