കുവൈത്ത് സിറ്റി : പുതിയ ഇനം കോവിഡ്‌ വ്യാപന പശ്ചാത്തലത്തിൽ ക്രിസ്മസ് ആഘോഷങ്ങൾക്ക് കുവൈത്തിൽ നിയന്ത്രണം ഏർപ്പെടുത്തി. ആരാധനലയങ്ങളിലെ ഒന്നിച്ചുള്ള ആരാധനകൾക്കും ചടങ്ങുകൾക്കും വിലക്കേർപ്പെടുത്തി ഡിസംബർ 24 മുതൽ ജനുവരി 10 വരെ ചർച്ചുകൾ അടച്ചിടും. ആഘോഷങ്ങളും ഒത്തുകൂടലുകളും ഒഴിവാക്കാനും നിർദേശമുണ്ട്. ഇന്ന് ചേർന്ന മന്ത്രി സഭാ യോഗത്തിലാണു ഇതുസംബന്ധിച്ച്തീരുമാനം. പുതുവർഷം പ്രമാണിച്ച് കുവൈറ്റിൽ പ്രാദേശിക അവധി പ്രഖ്യാപിച്ചു. 2021 ജനുവരി മൂന്നിന് പൊതു അവധിയായി ക്യാമ്പിനറ്റ് ഉത്തരവിറക്കി. ജനുവരി ഒന്ന് വെള്ളിയാഴ്ചയായതിന് പകരമാണ് മൂന്നാം തീയതി പൊതുഅവധിയായി പ്രഖ്യാപിച്ചിരിക്കുന്നത്.
