കുവൈത്ത് സിറ്റി: കൊറോണ വൈറസിന്റെ വകഭേദമായ ഒമിക്‌റോൺ മുമ്പത്തെ സ്‌ട്രെയിനുകളിൽ കാണാത്ത തോതിൽ വ്യാപിക്കുന്നുണ്ടെന്നും മിക്ക രാജ്യങ്ങളിലും ഇത് ഉണ്ടെന്നും ലോകാരോഗ്യ സംഘടന മുന്നറിയിപ്പ് നൽകി.നവംബറിൽ ദക്ഷിണാഫ്രിക്കയിലെ ശാസ്ത്രജ്ഞരാണ് ഒമൈക്രോണിന്റെ കണ്ടെത്തൽ ആദ്യമായി പ്രഖ്യാപിച്ചത്.എഴുപത്തിയേഴ് രാജ്യങ്ങളിൽ ഇപ്പോൾ ഒമിക്‌റോണിന്റെ കേസുകൾ റിപ്പോർട്ട് ചെയ്തിട്ടുണ്ട്, എന്നാൽ ഒമിക്‌റോണിന്റെ സാന്നിധ്യം മിക്കവാറും എല്ലാ രാജ്യങ്ങളിലും ഉണ്ടെന്നതാണ് യാഥാർത്ഥ്യം, ”ഡബ്ല്യുഎച്ച്ഒ മേധാവി ടെഡ്രോസ് അദാനോം ഗെബ്രിയേസസ് ജനീവയിൽ നടത്തിയ വാർത്താസമ്മേളനത്തിൽ പറഞ്ഞു.മുമ്പത്തെ ഒരു വേരിയന്റിലും ഞങ്ങൾ കണ്ടിട്ടില്ലാത്ത നിരക്കിലാണ് ഒമിക്‌റോൺ വ്യാപിക്കുന്നത് എന്നും അദ്ദേഹം കൂട്ടിച്ചേർത്തു. ഒമൈക്രോണ് ഗുരുതരമായ ആരോഗ്യപ്രശ്നങ്ങൾ ഉണ്ടാക്കുന്നില്ലെങ്കിലും , കേസുകളുടെ എണ്ണം അതിഭീകരമായി വർധിക്കുന്നത് ആരോഗ്യ സംവിധാനങ്ങളെ തകിടം മറിക്കും. പ്രതിരോധ കുത്തിവെപ്പുകളുടെ വിതരണത്തിൽ മുൻഗണനയും ന്യായവും ഉള്ളിടത്തോളം കാലം, യുഎൻ ആരോഗ്യ ഏജൻസി COVID-19 വാക്സിൻ ബൂസ്റ്ററുകൾ നൽകുന്നതിനെ പിന്തുണക്കുന്നതായും WHO മേധാവി പറഞ്ഞു.
