കുവൈത്ത് സിറ്റി : ഇന്ത്യൻ എംബസിയിലെ ആഭിമുഖ്യത്തിൽ സംഘടിപ്പിക്കുന്ന പ്രതിമാസ ഓപൺ ഹൗസ്‌ പരിപാടി ജനുവരി 24 ന് വൈകീട്ട്‌ 3.30 നു ഓൺ ലൈനായി നടക്കും. ഇന്ത്യയിൽ നിന്നുള്ള നഴ്സിംഗ്‌ റിക്രൂട്‌മന്റ്‌, പുതിയ പാസ്പോർട്ട്‌, കൗൺസിലർ സേവന കേന്ദ്രങ്ങൾ, ടെഒമിക്രോൺ വെല്ലുവിളി നേരിടൽ മുതലായ വിഷയങ്ങളെ ആസ്പദമാക്കിയാണു അംബാസിഡർ ഇത്തവണ സംവദിക്കുക.
ചോദ്യങ്ങൾ ഉള്ളവർ തങ്ങളുടെ പാസ്പോർട്ടിലെ മുഴുവൻ പേരും, പാസ്പോർട്ട്‌ നമ്പർ, സിവിൽ ഐ. ഡി. നമ്പർ, കുവൈത്തിലെ മേൽ വിലാസം, ഫോൺ നമ്പർ മുതലായ വിവരങ്ങളും ഉൾപ്പെടുത്തി ചോദ്യങ്ങൾ community.kuwait@mea.gov.in എന്ന ഈ മെയിൽ വിലാസത്തിലേക്ക്‌ അയക്കേണ്ടതാണു. കുവൈത്തിലെ എല്ലാ ഇന്ത്യക്കാർക്കും ഓൺ ലൈൻ വഴി പരിപാടിയിൽ പങ്കെടുക്കാവുന്നതാണു.
