ദോഹ: ഖത്തറിൽ സ്കൂൾ ബസിനുള്ളിൽ മലയാളി ബാലിക മരിച്ച നിലയിൽ. അൽവക സ്പ്രിംഗ് ഫീൽഡ് കിന്റർഗാർട്ടനിലെ കെജി വിദ്യാർഥിനിയായ മിൻസ മറിയം ജേക്കബിനാണ് (4) ദാരുണാന്ത്യം.മിൻസയുടെ നാലാം പിറന്നാൾ കൂടിയായിരുന്നു ഇന്ന്..കോട്ടയം ചിങ്ങവനം സ്വദേശി അഭിലാഷ് ചാക്കോ- സൗമ്യ ചാക്കോ ദമ്പതികളുടെ ഇളയ മകളാണ് .സഹോദരി മിഖ എം.ഇ.എസ് ഇന്ത്യൻ സ്കൂൾ മൂന്നാം തരം വിദ്യാർത്ഥിനിയാണ്.
സ്കൂളിലേക്കുള്ള യാത്രക്കിടെ കുട്ടി ഉറങ്ങിപ്പോയി, മറ്റു കുട്ടികൾക്കൊപ്പം മിൻസ ഇറങ്ങാതിരുന്നത് ബസ് ജീവനക്കാർ ശ്രദ്ധിച്ചില്ലെന്നും, തുടർന്ന് ബസ് പൂട്ടി തുറസ്സായ സ്ഥലത്താണ് നിർത്തിയിട്ടിരുന്നതായും ഖത്തർ മാധ്യമങ്ങൾ റിപ്പോർട്ട് ചെയ്തു..
രാവിലെ 11.30 ന് ഡ്യൂട്ടി പുനരാരംഭിക്കാൻ ബസിൽ തിരിച്ചെത്തിയപ്പോഴാണ് ജീവനക്കാർ കുട്ടിയെ കാണുന്നത്. അപ്പോഴേക്കും കുട്ടി മരിച്ചിരുന്നു. അതേ സമയം മരണത്തിന്റെ കൃത്യമായ കാരണം ഇതുവരെ അറിവായിട്ടില്ല. കുട്ടിയുടെ മരണത്തിൽ അനുശോചിച്ച ഖത്തർ വിദ്യാഭ്യാസ മന്ത്രാലയം സംഭവത്തെ കുറിച്ച് അന്വേഷണം ആരംഭിച്ചതായും അറിയിച്ചു.നടപടിക്രമങ്ങൾ പൂർത്തിയാക്കി മൃതദേഹം നാട്ടിലേക്ക് കൊണ്ടുപോകാനുള്ള ശ്രമത്തിലാണെന്ന് .
