ലോകം കാത്തിരുന്ന ഫുട്ബോൾ മാമാങ്കത്തിന് ആദിത്യമരുളുന്നതിനൊപ്പം ഫുട്ബോൾ കൊണ്ട് ഗിന്നസ് വേൾഡ് റെക്കോർഡിൽ കയറിയിരിക്കുകയാണ് ഖത്തർ. ഫുട്ബോൾ കൊണ്ടു തയാറാക്കിയ, ലോകത്തെ ഏറ്റവും വലിയ പതാകയ്ക്കുള്ള റെക്കോർഡ് ആണ് ഖത്തർ സ്വന്തമാക്കിയത്. ദോഹ ഫെസ്റ്റിവൽ സിറ്റിയിൽ പുതിയതായി തുറന്ന അരീനയിലാണ് ഖത്തർ ഇസ്‌ലാമിക് ബാങ്ക് (ക്യുഐബി) ലോകത്തിലെ ഏറ്റവും വലിയ ഫുട്ബോൾ പതാക സജ്ജമാക്കിയത്. 11 മീറ്റർ നീളത്തിലും 28 മീറ്റർ വീതിയിലുമാണ് പതാക. 6,000ലധികം മെറൂൺ, വെള്ള നിറത്തിലുള്ള ഫുട്ബോളുകൾ നിരത്തിയാണ് പതാക നിർമ്മിച്ചത് . ഫിഫ ലോകകപ്പും ദോഹ ഫെസ്റ്റിവൽ സിറ്റിയിലെ പരിപാടികളും ആഘോഷമാക്കുന്നതിന്റെ ഭാഗമായാണ് ഇത്
