കുവൈത്ത് സിറ്റി: കുവൈത്തില്‍ റെസ്‌റ്റോറന്റുകള്‍, കോഫി ഷോപ്പുകള്‍ തുടങ്ങിയ ഭക്ഷണശാലകളിൽ ആരോഗ്യ സുരക്ഷാ മാനദണ്ഡങ്ങൾ പാലിച്ച് ഇരുന്ന് ഭക്ഷണം കഴിക്കാൻ അനുമതി.
ചൊവ്വാഴ്ച വൈകീട്ട് ചേർന്ന മന്ത്രിസഭ യോഗമാണ് തീരുമാനമെടുത്തത്. മേയ് 23 ഞായറാഴ്ച മുതൽ ഇത് പ്രാബല്യത്തിൽ വരും . ആരോഗ്യ മാർഗനിർദേശങ്ങളും സാമൂഹിക അകലവും പാലിക്കണമെന്ന നിബന്ധനയോടെയാണ് നിയന്ത്രണം ലഘൂകരിച്ചത്. രാജ്യത്ത് കോവിഡ് കേസുകൾ വർധിച്ചതിനെ തുടർന്ന് പ്രതിരോധ നടപടികളുടെ ഭാഗമായി ഭക്ഷണശാലകളിൽ ഇരുന്ന് കഴിക്കുന്നതിന് വിലക്ക് ഏർപ്പെടുത്തിയിരുന്നു. ഹോം ഡെലിവറി, ടേക്ക്്ക് എവേ എന്നിവയ്ക്ക് മാത്രമായിരുന്നു അനുമതി നല്‍കിയിരുന്നത്.
