കുവൈത്ത് സിറ്റി: അഗ്നിശമന സേനയുടെ നിയമങ്ങളും ചട്ടങ്ങളും പാലിക്കണമെന്ന് നേരത്തെ മുന്നറിയിപ്പ് നൽകിയിട്ടും പാലിക്കാത്തതിനെ തുടർന്ന് ചൊവ്വാഴ്ച രാവിലെ ഷുവൈഖ് ഇൻഡസ്ട്രിയൽ ഏരിയയിലെയും മുബാറക്കിയ മാർക്കറ്റുകളിലെയും ചില കടകളും മാർക്കറ്റുകളും ജനറൽ ഡിപ്പാർട്ട്‌മെന്റ് ഓഫ് ഫയർ ബ്രിഗേഡ് അടച്ചുപൂട്ടി. മുബാറക്കിയ മാർക്കറ്റിലെ 3 കടകളും രണ്ട് മാർക്കറ്റുകളും ഷുവൈഖ് ഇൻഡസ്ട്രിയൽ ഏരിയയിലെ സാനിറ്ററി വെയർ സൂക്ഷിക്കാൻ ഉപയോഗിക്കുന്ന ഒരു ബേസ്‌മെന്റും പരിശോധനാ സംഘം അടച്ചതായി പ്രാദേശിക പത്രം റിപ്പോർട്ട് ചെയ്തു
