ഖത്തര്‍ ലോകകപ്പിൽ വൊളന്‍റിയറാവാനുള്ള രജിസ്‌ട്രേഷൻ അവസാനിക്കാൻ ഏതാനും ദിവസങ്ങൾ കൂടെ മാത്രം. സമയപരിധി ജൂലൈ 31 നു അവസാനിക്കും. ഫിഫ വെബ്‌സൈറ്റ് വഴിയാണ് അപേക്ഷിക്കേണ്ടത്. 20,000 പേരെയാണ് വൊളന്‍റിയർമാരായി ഫിഫ തെരഞ്ഞെടുക്കുന്നത്.
നവംബര്‍ 21 മുതല്‍ ഡിസംബര്‍ 18 വരെ എട്ടു സ്‌റ്റേഡിയങ്ങളിലായാണ് ലോകകപ്പ് നടക്കുന്നത്.
സ്‌റ്റേഡിയങ്ങള്‍, പൊതുഗതാഗത മേഖലകള്‍, ഹോട്ടലുകള്‍, ഫാന്‍ സോണ്‍ തുടങ്ങിയ നിരവധി മേഖലകളില്‍ വൊളന്‍റിയര്‍ സേവനം ആവശ്യമുണ്ട്. ഇതുവരെ 170ല്‍ അധികം രാജ്യങ്ങളില്‍ നിന്നുള്ള ആളുകളുടെ അപേക്ഷകള്‍ ലഭിച്ചു.
