കുവൈത്ത് സിറ്റി: ഫഹാഹീൽ കാറിന് തീപിടിച്ച സംഭവത്തിൽ പ്രവാസി സ്വയം തീകൊളുത്തിയതെന്ന് അഭ്യൂഹം. ഫഹാഹീൽ ഏരിയയിൽ നിർത്തിയിട്ടിരുന്ന കാറിൽ തീപിടിത്തമുണ്ടായതായി ഓപ്പറേഷൻ റൂമിന് വിവരം ലഭിക്കുകയായിരുന്നു. തുടർന്ന് അഗ്നിശമന സേനാംഗങ്ങൾ സംഭവസ്ഥലത്തെത്തി തീയണച്ച് കാറിനകത്തുള്ളയാളെ രക്ഷപ്പെടുത്തി ആശുപത്രിയിൽ എത്തിച്ചു. ദേഹമാസകലം പൊള്ളലേറ്റ ഇയാളുടെ നില ഗുരുതരമാണെന്ന് അൽ-റായി ദിനപത്രം റിപ്പോർട്ട് ചെയ്തു
