ഡൽഹി: സമൂഹ മാധ്യമമായ ട്വിറ്ററിന് ഇന്ത്യയിൽ നിയമ പരിരക്ഷ നഷ്ടമായി,പുതിയ ഐടി ചട്ടം പാലിക്കുന്നതില്‍ വീഴ്ച വരുത്തിയതിനെ തുടര്‍ന്ന് ട്വിറ്ററിന് ഇന്ത്യയില്‍ ഉണ്ടായിരുന്ന നിയമപരിരക്ഷ നഷ്ടപ്പെമായതായി കേന്ദ്രസർക്കാർ അറിയിച്ചു. ‘പുതിയ ഐടി ചട്ടത്തിന്റെ അടിസ്ഥാനത്തില്‍ സ്റ്റാറ്റ്യൂട്ടറി ഓഫീസര്‍മാരെ നിയമിക്കാത്തതിനെ തുടര്‍ന്നാണിത്. ഇനിമുതൽ ട്വിറ്ററിൽ വരുന്ന ഉള്ളടക്കത്തിന് കമ്പനിക്കെതിരെ കേസെടുക്കാം. നിയമപരിക്ഷ നഷ്ടമായതിന് പിന്നാലെ ഉത്തർപ്രദേശ് പൊലീസ് ട്വിറ്ററിനെതിരെ കേസെടുത്തു.
കേന്ദ്ര സർക്കാരിൻെറ പുതിയ ഐ.ടി നിയമങ്ങൾ നടപ്പാക്കാനുള്ള അവസാന തിയതി മേയ് 25 ആയിരുന്നു. ഈ തിയതിക്ക് ശേഷവും ഇതിനുളള നടപടികൾ ട്വിറ്റർ പൂർത്തിയാക്കിയിരുന്നില്ല. പിന്നീട് ഒരാഴ്ചക്ക് ശേഷമാണ് നിയമം നടപ്പിലാക്കാനുള്ള നടപടികൾ ട്വിറ്റർ തുടങ്ങിയത്. നിശ്ചിത തീയതിക്കകം നിയമങ്ങൾ നടപ്പാക്കാത്തതിനെ തുടർന്നാണ് ട്വിറ്ററിനുള്ള നിയമപരിരക്ഷ ഒഴിവാക്കിയതെന്നാണ് സൂചന.
ഗാസിയാബാദിൽ മുസ്ലിം വയോധികൻ ആക്രമിക്കപ്പെട്ടതുമായി ബന്ധപ്പെട്ടാണ് ട്വിറ്ററിനെതിരെ കേസെടുത്തിരിക്കുന്നത്. ഇതുമായി ബന്ധപ്പെട്ട് നിരവധി ട്വീറ്റുകളും വിഡിയോയും ട്വിറ്ററിൽ വന്നിരുന്നു. ഇത് സാമൂദായികമായി വേർതിരിവ് ഉണ്ടാക്കുന്നതാണെന്ന് ചൂണ്ടിക്കാട്ടിയാണ് നടപടി
