യുഎസ് പ്രതിരോധ സെക്രട്ടറി ജനറൽ ലോയ്ഡ് ജെ. ഓസ്റ്റിൻ മൂന്നു ദിവസത്തെ ഇന്ത്യാ സന്ദർശനത്തിനായി ഇന്നെത്തും. പ്രതിരോധമന്ത്രി രാജ്നാഥ് സിംഗുമായി കൂടിക്കാഴ്ച നടത്തും.ബൈഡൻ ഭരണകൂടത്തിൽ ഇന്ത്യ സന്ദർശിക്കുന്ന ആദ്യ കാബിനറ്റ് അംഗമാണു ജനറൽ ലോയ്ഡ് ജെ. ഓസ്റ്റിൻ. ചൈനയുൾപ്പെടെ നിരവധി സുപ്രധാന വിഷയങ്ങൾ ചർച്ചയാകും. ദേശീയ സുരക്ഷാ ഉപദേഷ്ടാവ് അജിത് ഡോവൽ, വിദേശകാര്യമന്ത്രി എസ്. ജയശങ്കർ എന്നിവരുമായും ഓസ്റ്റിൻ കൂടിക്കാഴ്ച നടത്തും. ഇന്ന് വൈകുന്നേരമാണ് അദ്ദേഹം ഡൽഹിയിലെത്തുക
ഇന്ത്യ – അമേരിക്ക പ്രതിരോധ സഹകരണം ശക്തിപ്പെടുത്തുക എന്നതാണ് യുഎസ് പ്രതിരോധ സെക്രട്ടറിയുടെ സന്ദർശനത്തിന്‍റെ മുഖ്യലക്ഷ്യം.ജപ്പാൻ, ദക്ഷിണ കൊറിയ എന്നീ രാജ്യങ്ങൾ സന്ദർശിച്ച ശേഷമാണ് ഓസ്റ്റിൻ ഇന്ത്യയിൽ എത്തുന്നത്.
