കുവൈത്ത് സിറ്റി: കഴിഞ്ഞ ദിവസങ്ങളിൽ കുവൈത്തിൽ സമൂഹമാധ്യമങ്ങളിൽ വളരെയേറെ പ്രചരിച്ച ദൃശ്യമായിരുന്നു പ്രായപൂർത്തിയാകാത്ത കുട്ടി എസ്‌യുവി ഓടിക്കുന്നത്. വീഡിയോ ശ്രദ്ധയിൽപ്പെട്ടതിനെ തുടർന്ന് കുവൈത്ത് പോലീസ് കാർ കസ്റ്റഡിയിലെടുക്കുകയും രക്ഷിതാക്കൾ ക്കെതിരെ നിയമനടപടികൾക്കായി ശുപാർശ ചെയ്യുകയും ചെയ്തു.
കുവൈറ്റിലെ സബാഹ് അൽ അഹമ്മദ് ഏരിയയിലാണ് സംഭവം . 12 വയസ്സുകാരൻ മൂന്ന് വയസ്സ് പ്രായമുള്ള സഹോദരനെയും മുൻസീറ്റിൽ ഇരുത്തി ലക്ഷ്വറി വാഹനമോടിക്കുന്ന ദൃശ്യങ്ങളാണ് പ്രചരിച്ചത്.
